13 августа 2008 г.
Хурашашра пурăнакансем кивĕ чиркĕве çĕнетес тĕлĕшпе тăрăшса ĕçлеççĕ. Вĕсем иртнĕ уйăхрах Штанаш чиркĕвĕнчи Амвросий Иеромонах ертсе пынипе ăна тĕрлĕ çÿп-çапран тасатса тирпейленĕ.
Августăн 4-мĕшĕнче приход пухăвĕ пулнă, ун ĕçне Шупашкар – Чăваш Епархийĕн протеиерейĕ Владимир Ильин тата Хусанушкăнь ял тăрăхĕн пуçлăхĕ Анатолий Праулов хутшăннă.
Ял çыннисем пулас чиркĕве çĕнетсе ĕçе кĕртес тĕлĕшпе чăннипех хастар. Çак кунсенче халăх территоринчи йĕркесĕр ÿссе çитĕннĕ йывăçсене, тĕмсене тасатма хутшăннă. Тĕн йăли-йĕркисене тытса пыракансемшĕн чиркÿ уçăлни чăннипех те паллă пулăм пулса тăрĕ.