23 августа 2008 г.
Республикăра пурăнакансем Кăнтăр Осетире инкек тÿснисене пулăшаççĕ. Чăваш Ен 120 çынна йышăнса санаторисене, сывлăха çирĕплетмелли комплекссене вырнаçтарма хатĕр. Сиплевпе профилактика учрежденийĕсенче ачасем валли – 30, çитĕннисем валли 50 вырăн хатĕрленĕ.
Инкек пулнă зонăна медикаментсем тата донор юнĕ яраççĕ. Республикăри юн йышăнакан станцире (Шупашкар хули, Пирогов урамĕ, 9) вырсарни кунсăр пуçне кашни кунах 8-12 сехетсенче юн илеççĕ. 420 миллилитр пама юрать. Паспортпа пымалла.
Инкек тÿснисене пулăшас акцие Чăваш Республикин ĕç тăвакан влаç органĕсен сотрудникĕсем хутшăнаççĕ. Август уйăхĕн 15-мĕшĕнче Чăваш Республикин Сывлăх сыхлавĕпе социаллă аталану министерстви пуçарнипе Правительство çурчĕн медицина пунктĕнче Кăнтăр Осети çыннисем валли юн илнĕ. 50 çын ытла юн панă. Чăваш Республикин Президенчĕн Администрацийĕ ĕçлекенсен пĕр кунхи ĕç укçине Кăнтăр Осетире пĕр айăпсăрах инкек тÿснисене пулăшакан фонда куçарма йышăннă.
“Единая Россия” парти пуçарнипе гуманитари пулăшăвĕ йышăнма пуçланă. Осети çыннисене чи малтанах кĕрхи тата хĕллехи кĕпе-тум, атă-пушмак, вырăн таврашĕ, гигиена хатĕрĕсем, йăлари техника (утюгсем, кĕпе çумалли машинăсем, электронагревательсем, çутатмалли приборсем), хăвăрт пăсăлман апат-çимĕç продукчĕсем (кĕрпе, ÿсен-тăран çăвĕ, консервланă аш, çăратнă сĕт) кирлĕ.
Эпир пĕтĕм тĕнчери миршĕн!
Укçа-тенке Пĕтĕм Раççейри “Единая Россия” политика партине пулăшакан Регионсен хушшинчи общество фончĕн счечĕ çине куçарма пулать. Квитанци çине “На оказание помощи пострадавшим в гуманитарной катастрофе в Южной Осетии” тесе çырмалла.
Фонд реквизичĕсем:
Адрес: 109240, г.Москва, ул. Николоямская, д.19, стр.1
ИНН.КПП 7709312370.770901001, р.с 40703810800010000068 в АКБ ЗАО “Пересвет” г.Москва, к.с 30101810700000000259, БИК 044585259.