13 сентября 2008 г.
“Коминтерн” ял хуçалăх кооперативĕ иртнĕ çул лизинг майĕпе усă курса 2559,35 пин тенкĕлĕх ял хуçалăх техники туяннă. Çĕр ĕçне пахалăхлă тата вăхăтра пурнăçласа пырас тĕллевпе дискатор тата трактор илсе килнĕ.
Атнарсем машина-трактор паркне пуянлатса пынипе пĕрлех кунти территорие тирпей-илем кĕртесси çине те тимлĕ пăхаççĕ. Акă, кăçал механизаторсен çурчĕ умне чечек клумбисем лартса чĕртнĕ. Çак ĕçе Светлана Индейкина диспетчер тÿрĕ кăмăлпа туса пырать. Унăн тăрăшулăхне ырăпа кăна палăртмалла.
Хуçалăхра çитес çул “Чи лайăх чечек клумби” ятпа конкурс ирттерме йышăннă. Çакă ял çыннисен культурине ÿстерме, илеме туйма тата тирпей-илемшĕн тăрăшма пулăшасса шанас килет.