08 октября 2008 г.
Район администрацийĕнче 2009 çулта “Çамрăк çемьесене çурт-йĕрпе тивĕçтересси” çум программăна хутшăнакансен списокне çирĕплетнĕ. Унта хăйсен пурăнмалли условийĕсене лайăхлатма кăмăл тунă 118 çемьене кĕртнĕ. Райадминистрацин обществăлла инфратытăм аталанăвĕн тата çурт-йĕрпе коммуналлă хуçалăх пайĕн ертсе пыракан специалист-эксперчĕ Светлана Ильина каланă тăрăх, списока федераллă тĕллевлĕ “Пурăнмалли çурт-йĕр” программăпа килĕшÿллĕн 2002-2010 çулсенче çурт лартма е хваттер туянма çамрăк çемьесене социаллă тÿлевпе тивĕçтерессине шута илсе хатĕрленĕ.
Тĕпрен илсен, 2005 çулхи мартăн 1-мĕшĕ хыççăн шута илнĕ çемьесем программăна хутшăнаççĕ. Кăçалтан пуçласа патшалăх пулăшăвĕпе 35 çула çитмен çамрăксем усă курма пултараççĕ. Çавна май 2008 çулта, ытти çулхисемпе танлаштарсан, учета тăнисен йышĕ пысăкрах.