11 октября 2008 г.
Октябрь уйăхĕн 7-мĕшĕнче Чăваш академи драма театрĕн труппи Мускавран гастрольтен таврăнчĕ. Унта вĕсем виçĕ кун «Содружество актеров Таганки» сцени çинче Мускав халăхне пултарулăхĕпе паллаштарчĕç, Федор Павловăн «Вĕç¬ленеймен туй» («Ял¬та») музыка драмине, Александр Островскин «Шухă вырăнта» драмине, Анатолий Чебановăн «Пр¬ас¬ки кинеми мăнукне авлантарать» камит-мюзиклне кăтартрĕç.
Гастроль уçăлнă ятпа «Содружество актеров Таганки» театрăн илемлĕх ертÿçи Николай Губенко, Чăваш Республикин культура министрĕ Роза Лизакова, Чăваш Республикин РФ Президенчĕ çумĕнчи полномочиллĕ Представителĕ Геннадий Федоров, РФ Театр ĕçченĕсен союзĕн драматурги пайĕн заведующийĕ Марина Корчак, театрăн илемлĕх ертÿçи Валерий Яковлев ăшшăн саламларĕç. Роза Лизакова çакăн пек гастроль театршăн пĕл¬терĕшлĕ пулнине каларĕ. Николай Губенко çак икĕ театр тахçантанпах туслине асăнчĕ. Пирĕн патра Таганка коллективне яланах хаваспах кĕтсе илеççĕ, спектакльсем ирттерме тивĕçлĕ условисем туса параççĕ. Театрти актерсенчен чылайăшĕ Щепкин ячĕл¬лĕ театр училищинче вĕреннĕ. Çа¬вăнпа та артистсем хăйсен вĕрентекенĕсемпе тĕл пул¬чĕç, пултарулăхĕпе паллаштарчĕç.
Юлашки хут чăваш театрĕ Мускавра 2003 çулхи ноябрь уйăхĕнче пулнă, «Арçынсăр хĕрарăм», «Инçет телей çути», «Вĕçкĕн Ваççан çиччĕмĕш арăмĕ» спектакльсене кăтартнă.