15 октября 2008 г.
Октябрь уйăхĕн пуçламăшĕнче Чăваш Республикин делегацийĕ Волгоград облаçĕнче пулса унта вырăнти хăй тытăмлăх çинчен йышăннă федераллă саккун мĕнле пурнăçа кĕрсе пынипе паллашнă. Делегаци йышĕнче Хĕрлĕ Чутай район администрацийĕн ĕçĕсен управляющийĕ Александр Башкиров та пулнă. Вăл каласа панă тăрăх, хăй тытăмлăх ыйтăвĕсемпе программăсене пурнăçа кĕртес тĕлĕшпе пĕрлехи йышăнусем тунă, пысăк квалификациллĕ кадрсем хатĕрлесси çине малашне тимлĕх уйăрмалла, пĕр-пĕрин опытне пурнăçа кĕртме тăрăшмалла.
Кунта обществăлла хăй тытăмлăх органĕсене йĕркеленĕ. Граждансем ĕçе çĕнĕлле туса пыма активлă хутшăнаççĕ. Çакă ялсен, хуторсен, поселоксен умĕнче тăракан ыйтусене ăнăçлă татса пама пулăшать. Урамсене тирпей-илем кĕртнинчен пуçласа Культура çурчĕсене, çулсене, ача-пăча площадкисене юсани е çĕнĕрен туни таранах.
Чăваш Ен делегацийĕ Камышин хулинчи Çĕнтерÿ аллейинче йывăçсем лартма хутшăннă, Аслă Отечественнăй вăрçă кĕрлесе иртнĕ паллă вырăнсене чечексем хунă.