08 ноября 2008 г.
Ноябрĕн 6-мĕшĕнче культурăпа кану центрĕнче Призывниксен кунĕ иртнĕ. Унта 32 призывник, вĕсен тус-тантăшĕсем, ашшĕ-амăшĕсем хутшăннă.
Район пуçлăхĕн çумĕ, вĕрентÿ пайĕн начальникĕ Т.Н.Шереметьева пулас салтаксене службăра ăнăçу суннă, Тăван çĕршыв умĕнчи тивĕçе чыслăн пурнăçлама чĕнсе каланă. Етĕрнепе Хĕрлĕ Чутай районĕсен çар ĕç комиссарĕ А.С.Фокин çамрăксене çара кайма повестка панă, Тăван çĕршыв, республика, атте-анне ятне çÿлте тытма, тăнăçлăха сыхлама ăнăçу суннă. Афган вăрçин ветеранĕ С.Н.Михеев каччăсене çара каяссинчен хăрама кирлĕ маррине, унтан чăн-чăн арçынсем пулса таврăннине çирĕплетсе каланă.
Юлашкинчен призывниксене саламласа Етĕрнери «Память» ансамбль концертпа савăнтарнă.