10 декабря 2008 г.
Иртнĕ вырсарни кун сĕтел çинче теннисла выляма юратакансем районта мала тухассишĕн пынă ăмăртăва хутшăннă. Тупăшура шкул ачисем те хастарлăх кăтартнă.
Вăйăсем икĕ ушкăнра иртнĕ. Пĕрремĕш ушкăнра пултарулăхпа Николай Уливанкинпа (Хĕрлĕ Чутай) Александр Ионов (Кив Атикасси) палăрнă, иккĕмĕшĕнче – Владимир Герасимов (Питĕркасси). Юлашки кĕрешÿре Н.Уливанкин пурне те парăнтарса район чемпионĕ ята çĕнсе илнĕ. Иккĕмĕшпе виççĕмĕш вырăнсене В.Герасимовпа А.Ионов пайланă.
Çĕнтерÿçĕсене район администрацийĕн Хисеп грамотисемпе тата парнесемпе хавхалантарнă.