17 декабря 2008 г.
Сывлăха ачаран çирĕплетмелле. Çавăнпа кĕçĕн çулхисен тата шкул ачисен сывлăхĕшĕн тăрăшасси, çамрăксем хушшинче сывă пурнăç йĕркине пропагандăласси, физкультурăпа спорта аталантарасси – кашнин тивĕçĕ.
Çак тĕллевсене пурнăçа кĕртессипе районти ачасемпе çамрăксен пултарулăх çурчĕ сахал мар ĕç туса ирттерет. Кăçал ноябрĕн 10-мĕшĕнчен пуçласа декабрĕн 5-мĕшĕччен Раççейĕпех иртнĕ «Наркотик вырăнне спорт» акцие хутшăнса район шайĕнче «Эпир наркотике хирĕç...» плакатсен конкурсне йĕркеленĕ.
Шкулта вĕренекенсем курава наркомание сивлекен чылай плакат тăратнă. Конкурс çĕнтерÿçисене палăртнă ĕнтĕ. Тарăн шухăшлă плакат хатĕрлесе пĕрремĕш вырăна Шулю шкулĕнче вĕренекен Марина Медакина (ертÿçи А.Макарова) çĕнсе илнĕ, иккĕмĕш – Атнар шкулĕнчи Наталья Сергеева (С.Кудряшов), виççĕмĕш – Мăн Этмен шкулĕнчи пуçламăш класри Наталья Паркина (Г.Кукушкина).
Район шайĕнче çĕнтернисен ĕçĕсене республика конкурсне тăратнă.
Усал йăласенчен пăрăнар, спортпа туслашар.