17 января 2009 г.
2008 çул вĕçленчĕ. Иртсе кайнă çулталăкăн чи маттур спортсменĕсене палăртма кăмăллă. Акă, шахматла выляссипе чемпион ятне В.Храмовпа (тĕп больница) И.Парикова (Кив Атикасси) тивĕçнĕ, шашистсем хушшинче – Н.Сергеев (Мăн Этмен).
Çавăн пекех спортăн ытти енĕсемпе палăрнă чи лайăх спортсменсене те асăнар. Волейболистсен йышĕнчен И.Родионовапа (спорт шкулĕн тренерĕ) унăн Оксана хĕрне палăртмалла. Сĕтел çинче теннисла выляссипе В.Герасимов (Питĕркасси), М.Сидоровапа А.Карпова (Çĕн Ирчемес) чи пултаруллисем пулнă. Çăмăл атлетсенчен А.Андреевапа (Атнар) Э.Дадюков (Хĕрлĕ Чутай) пысăк çитĕнÿ тунă. Йĕлтĕрçĕсен ушкăнĕнчен каллех Э.Дадюкова асăнмалла, хĕр ачасенчен Н.Таерова (Туктамăш) палăрнă. Ирĕклĕ майпа кĕрешессипе Дмитрий Ульянов (Хĕрлĕ Чутай) çĕнтерÿçĕ пулнă. Çулталăкри чи пултаруллă шахматистсен ятне Н.Рябиковапа (Шулю) Е.Сергеев (спорт шкулĕн тренерĕ) çĕнсе илнĕ.