Публикации » Машинăсене шута илесси хăвăртланать

31 января 2009 г.

Кăçалхи январĕн 27-мĕшĕнчен пуçласа автомашинăсене патшалăх автоинспекцийĕнче шута илесси хăвăртланать тата тăкакĕ чакать. Çакна Раççей Федерацийĕн шалти ĕçсен министрĕ Рашид Нургалиев алă пуснă «Транспорт хатĕрĕсене регистрацилемелли йĕрке çинчен» Указ лайăх çирĕплетсе парать. Акă, автомашина хуçи техникине учета илессине е учетран кăларассине хăй пропискăра тăракан вырăнта кăна мар, урăх районта та йĕркелеме пултарать. Унăн Чăваш Енри кирек хăш районта та машинăна регистрацилекен тата техосмотр тăвакан уйрăма пыма право пур. Кунсăр пуçне малтан автомашина докуменчĕсене çухатсан вĕсене техникăна регистрациленĕ çĕрте кăна çĕнĕрен тума май пулнă. Халĕ вара хамăр регионти ГИБДДăн кирек хăш уйрăмĕнче те автомашинăна учета тăратма тата документсен дубликачĕсене илме юрать.