18 февраля 2009 г.
Ялта спорта аталантарассипе, çамрăксене пушă вăхăта усăллă ирттерме пулăшассипе тăрăшакансене ырлас килет. Акă, февралĕн 12-мĕшĕнче Тралькасси ял тăрăхĕнчи Культура çуртĕнче спортзал хута кайнине савăнăçлă лару-тăрура уçнă. Унта район пуçлăхĕ А.Криков хутшăннă. Александр Иванович вырăнти ял пуçлăхне А.Мурайкина, ялти çамрăксене, спорта юратакансене спортзал уçас ĕçре пысăк тÿпе хывнăшăн тав тунă, малашне ку тăрăхра сывă пурнăç йĕркине тытса пырас текенсен йышĕ ÿсессе, спортсменсен ячĕсем йышланасса шаннине пĕлтернĕ.
Тралькассинче спортзал хута кайнă ятпа саламлакансем татах та пулнă. Вĕсенчен кашни спортпа туслă пулма чĕнсе калаçнă, пушă вăхăтра кунта килсе сывлăха çирĕплетме сĕннĕ. «Нива» ЯХПК ертÿçи В.Мурайкин çывăх вăхăтра бильярд вылямалли оборудованипе тивĕçтерме шантарнă.
Юлашкинчен спортсменсем волейболла выляса вăй виçнĕ.