21 февраля 2009 г.
2009 çулхи сентябрĕн 5-мĕшĕнче икĕ хут Совет Союзĕн Геройĕ, СССР летчик-космонавчĕ Андриян Григорьевич Николаев генерал-майор çуралнăранпа 80 çул çитет.
Чăваш халăхĕ космонавтика историне кĕрсе юлнă хăйĕн паттăрĕпе тивĕçлипех мухтанать. Андриян Николаевăн шăпи ентешĕсене кăна мар, çĕр çинчи ытти халăха та хытă интереслентерет. 2004 çулта истори ăслăлăхĕн докторĕ Ю.С.Устинов генерал-майор "Виççĕмĕш космонавт Андриян Николаев" ятлă кĕнеке кăларчĕ. Унăн тиражĕ 1000 экземплярпа танлашрĕ. Вулакансем ăна хăвăрт туянса пĕтерчĕç. Автор унта паллă çыннăн пурнăçĕпе тĕплĕн паллаштарать, çавăн пекех Андриян Григорьевич архивĕнчи сăн ÿкерчĕксене йышлă вырнаçтарнă. Кунпа пĕрлех космонавт тусĕсен архивĕнчен илнĕ материалсем те пур.
Кĕнекепе паллашсан чĕрĕ Андриян Николаева куратăн. Вăл яланах лăпкă, çĕкленÿллĕ кăмăллă, унăн юлташлăх туйăмĕ пысăк. Вăл калаçни, кулни, шухăшлани, ыйтусене хуравлани, мăнукне çупăрлани кашнин чĕрине çывăх.
Андриян Николаев сăнарне ĕмĕрлĕхе асра хăварасси чăваш халăхĕнчен нумай килет. Ку вăл – пирĕн тивĕç. Эпир паллă çынсен биографийĕпе паллашнă май вĕсен паттăрлăхне лайăхрах пĕлетпĕр, тивĕçлĕ пурăнма тата тăван çĕршывшăн ырă ĕç тума хăнăхатпăр.
Акă, А.Николаев юбилейĕ çывхарнă май "Виççĕмĕш космонавт Андриян Николаев" кĕнекене тепĕр хут кăларас ыйту тухса тăрать. Ăна çĕнĕ сăн ÿкерчĕксемпе илемлетме тата "Халăх асăнче" пайпа пуянлатма йышăннă. Çавна май космонавтпа çыхăннă çынсенчен çĕнĕ сăн ÿкерчĕксем, аса илÿсем, космонавт çырăвĕсем тата ыттине те кĕтетпĕр. Пулăшас текенсен материалсене Чăваш Республикин Культура, национальноçсен ĕçĕсен, информаци политикин тата архив ĕçĕн министерствине ярса памалла. Адресĕ:
428004, Шупашкар хули, Президент бульварĕ, 17 çурт.
Тел.Ÿфакс: (8352) 62-10-03 (полиграфипе кĕнеке кăларас сектор), e-mail,culture46@cap.ru
Чăвашсем мĕн ĕлĕкрен пĕр-пĕрне халăхпа – "нимелле" пулăшни пуриншĕн те паллă. Çак ырă йăла-йĕркепе пуçтарнă укçа-тенкĕ те хамăрăн паллă ентеш çинчен хатĕрленĕ кĕнекене кăларас ĕçре пысăк пулăшу парĕ. Ăна "Центр пропаганды" издательствăра кăлармалла пулать. Адресĕ: 129515, Мускав хули, Королев академик урамĕ, 13 çурт, 1 корпус.
Телефон: 8-499-271-60-35
Тÿлев реквизичĕсем (вырăслах пичетлетпĕр):
ИНН 7717565007 КПП 771701001
рŸс 40702810301210001239 в филиале ОАО АКБ "ЮГРА" в г. Москва
БИК 044579237 кŸс 30101810200000000237
ОГРН 5067746032206 ОКПО 96575403 ОКВЭД 22.1
ОКАТО 45280572000
ОКОПФ 65 ОКОГУ 49013
ОКФС 16 ОКТМО 45358000.