25 марта 2009 г.
Мартăн 17-мĕшĕнче Хĕрлĕ Чутай ял администрацийĕн смотр-отчечĕ иртрĕ. Ял тăрăхĕсем хушшинчи культурăпа кану центрне халăх йышлă пухăнчĕ.
Пухăннисем ял тăрăхĕн пуçлăхĕн В.Романовăн доклачĕпе паллашнă хыççăн савăнăçлă концертпа киленчĕç. «Çартмас» фольклор ушкăнĕ кăмăла каякан юрăсем шăрантарчĕ. Туктамăшри Культура çурчĕн администраторĕ Н.Чуракова хăйĕн шăпчăк евĕр сассипе халăха тыткăнларĕ. В.Колокольчикова, С.Волкова, Р.Мидакова, Н.Окайкина, Н.Писарчук пултарулăхпа асра юлчĕç. Натальяпа Виталий Чишкинсем «Икĕ çăлтăр» юрă парнелерĕç. А.Столярова Çĕр ĕçченĕн çулталăкне халалласа «Ой, ты рожь» юрă шăрантарчĕ. «Хĕвел», «Пилеш» ача садне çÿрекенсем хăйсен пултарулăхĕпе савăнтарчĕç. Г.Ярлов, И.Герасимов, Л.Аргандейкин купăсçăсем кĕвĕ каласа куракансен кăмăлне çĕклерĕç.