25 марта 2009 г.
Районти çамрăк моделистсем, ачасемпе çамрăксен пултарулăх Çурчĕн педагогĕ С.Марков ертсе пынипе, тĕнче уçлăхĕн тĕпчевĕсемпе, космос ракетин техникипе, авиаципе интересленеççĕ. Сывлăш тата тĕнче уçлăхĕ тĕлĕшпе техника, гуманитарлă наукăсен облаçĕнчи пĕлÿсене пысăк хăвăртлăхпа алла илеççĕ. Çакна техника енĕпе иртекен республика конкурсĕсенче тăтăшах çĕнтерни те аванах çирĕплетет.
Акă, мартăн 19-мĕшĕнче А.Николаев космонавт тĕнче уçлăхне вĕçнĕренпе – 45 çул, Çĕрĕн пĕрремĕш искусственнăй спутникне янăранпа – 50 çул, Плесецк космодром 50 çул тултарнине халалласа Çамрăксен II Николаев Вулавĕ иртнĕ. Унта аэрокосмос моделĕ тата макечĕ тĕлĕшпе хăйĕн пĕлĕвĕпе Евгений Долгов паллаштарнă. Кĕске вăхăт хушшинче вăл хăйĕн ĕçĕн пĕлтерĕшне палăртма, выпускниксен А.Туполев ячĕллĕ КАИ-КГТУ ассоциацийĕн членĕ А.Селянский панă ыйтусене тĕрĕс хуравлама пултарса Вĕрентÿ тата çамрăксен политикин министерствин I степеньлĕ Дипломне тивĕçнĕ. Çавăн пекех пултаруллă вĕренекене медаль панă. Вăл Королев хулине кайса килме те ирĕк çĕнсе илнĕ. Унта Евгений ыран пулса курĕ. Унăн самолечĕн макечĕ вара Пĕтĕм Раççейри конкурса хутшăнĕ.