11 апреля 2009 г.
Кăçалхи пĕрремĕш кварталта район администрацийĕн ЗАГС пайĕ çут тĕнчене 48 пепке килнине актпа çирĕплетнĕ. Çав шутра 32 арçын ача тата 18 хĕр ача. Çемьесенче 23 ача пĕрремĕш пулнă, иккĕмĕш – 17, виççĕмĕш – 4, тăваттăмĕш 4 ача. Сăмах май, январьте уйрăмах ача нумай çуралнă.
Ашшĕ-амăшĕ ывăлĕсене ытларах Максим, Сергей тата Александр, хĕр пĕрчисене Анастасия, Анна, Анфиса ят панă.
Апрелĕн 1-мĕшĕ тĕлне кăçал районта 22 çемье чăмăртаннă. Пĕрлешсе кил-йыш çавăракансен çулĕ вăтамран 18-тан пуçласа 24-ччен. Туйсен шучĕ февраль уйăхĕнче ытларах пулнă – 12 мăшăр çемье çавăрнă. Шел, пĕрремĕш кварталта 6 мăшăр официаллă майпах уйрăлнă. 25-39 çулсенчи çамрăксем ытларах чухне пĕр чĕлхе тупайманни палăрать.
Вилекенсен йышĕ пĕчĕк мар, январь-март уйăхĕсенче 105 çын çут тĕнчепе сыв пуллашнă. Çав шутра 40 арçын тата 65 хĕрарăм. Арçынсем вăтамран – 63 çулта, хĕрарăмсем 74 çула çитсе пурнăçран уйрăлнă.