22 апреля 2009 г.
Хăй тĕллĕн çÿрекен тата ытти тĕрлĕ машинăсене тĕрĕслесе тăракан Чăваш Республикин патшалăх инспекцийĕн хушăвĕ тăрăх, республика территорийĕнче, çавăн пекех районта та апрелĕн 20-мĕшĕнчен пуçласа майăн 15-мĕшĕччен «Частник» профилактика операцийĕ ирттерме йышăннă. Унăн тĕллевĕ – уй-хир ĕçĕсенче инкексем ан пулччăр тесе тракторсемпе кăкарса ĕçлемелли агрегатсен шанчăклăхне палăртасси. Ăна йĕркелеме комисси туса хунă. Унăн йышне техника асăрхавĕн инспекцийĕн патшалăх аслă инспекторĕ, районти ĕç сыхлавĕн тĕп специалисчĕ, райадминистрацин тĕп инженерĕн ĕçĕсене туса пыраканĕ тата кашни ял тăрăхĕнчен специалист кĕреççĕ.
Хальхи вăхăтра районĕпе уйрăм çынсен 449 трактор, 174 трактор прицепĕ шутланса тăрать. Операци тапхăрĕнче трактор тĕрĕслев витĕр тухнине, техникăна регистрацие тăратнине пăхатпăр. Усă курма юрăхсăр техникăна регистраци учетĕнчен кăларассипе те ĕçлетпĕр.