13 мая 2009 г.
Анжела Андреева Атнарти вăтам шкулта 9 класра вĕренет. Çамрăк хĕр спорт енĕпе пултаруллă. Унăн çăмăл атлетикăри çитĕнĕвĕсем пирки чылай илтнĕ, курнă та. 60, 100, 200 метрлă дистанцисене парăнтарассипе районта ăна çитекенни çук. Вăл кĕске дистанцисене чупассипе республика шайĕнче те темиçе хутчен палăрнă. Нумай пулмасть Анжела Шупашкарти ăмăртура 100 метра чупассипе пĕрремĕш вырăн çĕнсе илнĕ.
А.Андреева районта иртекен кашни ăмăртăва хутшăнать, çĕнтерÿпе савăнтарать. Акă, майăн 9-мĕшĕнче иртнĕ эстафетăра та Анжелăн тÿпи пысăк пулчĕ темелле. Атнар шкулĕн команди ăмăртура çĕнтерчĕ.
Яланах çитĕнÿ тума ĕмĕтленни хавхалантарать те ĕнтĕ çамрăк хĕре.