Публикации » Транспорт налукне тÿлесе тăракансене пĕлсе тăма

30 мая 2009 г.

Чăваш Республикинчи улттăмĕш номерлĕ федераллă налук службин районсем хушшинчи инспекцийĕ июнь уйăхĕн вĕçĕнче транспорт налукне хушса тÿлемеллине пăхса тухать. Ку ĕçре Чăваш Енри ГИБДД Управленийĕн транспорт хатĕрĕсен автоматизаци учечĕн кăтартăвĕсене тĕпе хураççĕ. Енчен те техникăна регистрациленĕ факт тĕлĕшĕпе килĕшменлĕх пулсан, çынсен кăçалхи сентябрĕн пĕрремĕшĕччен база даннăйĕсене улшăнусем кĕртес тата транспорта учетран кăларнине çирĕплетекен паллăна илес ыйтусемпе ГИБДД органĕн регистраци уйрăмĕсене çитмелле. Унтан, ГИБДД органĕн сотрудникĕсен ятарлă паллисемлĕ документсене тĕпе хурса, транспорт налукне çĕнĕрен шутласа параççĕ.