06 июня 2009 г.
Руль умне ÿсĕрле ларни ырри патне çитермест. Акă, майăн 26-мĕшĕнче Хĕрлĕ Чутай салинчи Красноармейски урамĕнче пулнă авари те çакна çирĕплетет. 21 сехетре Анат Чутай каччисем, икĕ Владимир, ÿсĕрле «Минск» мотоциклпа ярăнса çÿренĕ. «Çуттине» самаях тутаннăскерсем «хурçă ута» тытса чарайман, кювета чăмнă. Юрать, аварире никам та вилмен.
Палăртмалла, руль умĕнчи çамрăк, маларах мотоциклпа çÿремелли правасăр хăварнăскер, саккуна пăсса техникăпа ÿсĕрле çул çине тухнă. Ăна çул çÿрев правилисене сĕмсĕррĕн пăснăшăн 10 кунлăх арестленĕ.