06 июня 2009 г.
Район территорийĕнче Чечексен çулталăкĕ тесе йышăннăран, Штанаш ял тăрăхĕнче ĕçлесе пурăнакансем харпăр хăй килĕ умĕнчи тавралăха илем кĕртессипе тăрăшаççĕ. Акă, кунти Çĕн урамра пурăнакансем – А.Г.Руссковапа А.Н.Софронова, С.Г.Ефремова (Октябрь урамĕ), О.В.Константиновапа Л.Н.Федотова (Ленин урамĕ) хăйсен участокĕсенче чечек клумбисем хатĕрлерĕç. Урикасси ялĕнчи Р.М.Максимова та чечексен тĕнчипе интересленсе ĕçлет. Çамрăк хунавсем ÿссе çитсен, чечеке ларсан ял урамĕсем татах та илемлĕрех курăнĕç, тавралăха ырă шăршă сарĕç.
Чечек ăстисен пÿртри чÿрече анисенче те илемлĕх хуçаланать. Урампа иртсе çÿрекенсем хĕрлĕ, сарă, шурă, кĕрен чечексем çине ăшă куçпа пăхаççĕ, кил хуçисене илемлĕхпе савăнтарнăшăн тав тăваççĕ.