Публикации » "РАÇÇЕЙ" ФИЗКУЛЬТУРĂПА СПОРТ ОБЩЕСТВИ РЕСПУБЛИКА ПРЕЗИДЕНТНЕ ТАВ ТУНĂ

08 июля 2009 г.

Чăваш Ен Президенчĕ Николай Федоров ячĕпе "Раççей" Физкультурăпа спорт обществин вице-президентĕнчен, Олимп чемпионкин ятне виçĕ хутчен тивĕçнĕ Тамара Прессран çыру килнĕ. Унта республика пуçлăхне Шупашкар хулинче Раççей спорт клубĕсен хушшинче физкультурăпа спортăн VII фестивальне ирттерме пулăшнăшăн тав тунă. "Фестиваль тĕрлĕ професси çыннине пĕрлештерчĕ, ĕç спортне пурнăç вĕрсе кĕртрĕ, регионсен хушшинче усăллă çыхăнусем йĕркеленчĕç. Пысăк пĕлтерĕшлĕ çак пулăм экономикăна хастар хутшăнакан халăха сывă пурнăç йĕркине, ăс-хакăл культурине явăçтарма пулăшрĕ. Çутă та илемлĕ Чăваш Республики малалла та аталанса пытăр", – тенĕ çырура.

ЧР ПА пресс-служби.