08 июля 2009 г.
Июлĕн 2-мĕшĕнче районти Хĕрарăмсен канашĕн отчетпа суйлав пухăвĕ пулса иртрĕ. Унта районти Хĕрарăмсен канашĕн председателĕ Т.Шереметьева отчет туса пачĕ. Татьяна Николаевна çакна палăртрĕ: район шайĕнче хĕрарăмсен пурнăçне лайăхлатассишĕн, вĕсене ырă ĕçшĕн хавхалантарассишĕн, çемье тĕрекне вăйлатассишĕн чылай ĕçленĕ.
Пухăннисем Хĕрарăмсен канашĕн ĕçне вăтам хак пачĕç. Тухса калаçакансем хĕрарăм пĕр вăхăтрах чечек те, тимĕр те, çут тĕнче тĕрекĕ пулнине палăртрĕç.
Юлашкинчен районти Хĕрарăмсен канашĕн çĕнĕ йышне, çавăн пекех кĕркунне Шупашкарта иртекен Хĕрарăмсен канашĕн 15-мĕш съездне кайма делегатсем суйларĕç.