Публикации » БЕЛАРУÇ РЕСПУБЛИКИН ПРАВИТЕЛЬСТВИ ЧĂВАШ ЕН ПРЕЗИДЕНТНЕ ТАВ ТУНĂ

15 июля 2009 г.

ЧР Президенчĕ Николай Федоров ячĕпе Беларуç Республикин премьер-министрĕн çумĕ Владимир Потупчик çыру янă. Çырура Чăваш Республикинче Беларуç делегацине кăмăллă лару-тăрура тата тарават кĕтсе илнĕшĕн Чăваш Ен пуçлăхне тав тунă. «Эпир ĕçлĕ тĕл пулусемшĕн тата чун уçса калаçнăшăн, çавăн пекех Чăваш Енри туссемпе ирттернĕ калаçусем ăнăçлă пулнăшăн тав тăватпăр. Çак тĕл пулусен вăхăтĕнче экономикăна хутшăнакан субъектсемпе килĕштерсе ĕçлессипе çыхăннă ыйтусене сÿтсе яврăмăр, нумай çул пĕрле ĕçлессин тĕп çул-йĕрне палăртакан документсене алă пусрăмăр», – тенĕ çырура.