Публикации » Атнар клубне – 500 пин тенкĕлĕх оборудовани

15 июля 2009 г.

Республикăра ЧР Президенчĕн «Чăваш Республиикнче ялти клуб учрежденийĕсене аталантарас енĕпе пурнăçламалли мерăсем çинчен» Указне пурнăçлассипе малалла ĕçлеççĕ. Кăçал республикăри 49 клуб учрежденийĕ база культура çурчĕн статусне çĕнсе илессишĕн конкурса хутшăннă. Конкурса пĕтĕмлетнĕ ĕнтĕ. 21 районтан 13-шĕ конкурсра çĕнтернĕ. Çав йышра Атнарти Культура çурчĕ те пур. Çĕнтерÿçĕсене 500 пин тенкĕлĕх оборудовани туянма свидетельство парĕç.

Малашне Атнарти таса та хăтлă Культура çурчĕн ĕçченĕсем халăхăн культура шайне çĕклессишĕн, унăн ырă йăли-йĕркисене упрассишĕн татах та тăрăшарах ĕçлессе шанас килет.