15 июля 2009 г.
Кăçалхи Ĕçпе юрă, спорт уявĕнче – Акатуйра аса илмелли, курмалли, вĕренмелли, савăнмалли чылай пулчĕ. Уйрăмах ял тăрăхĕсен ĕлĕкхи вырăнти йăла- йĕркесене сăнарлакан презентацийĕпе паллашма кăмăллă пулчĕ. Чи пултарулли Штанаш тăрăхĕ тесе палăртнăччĕ, иккĕмĕшсем – киватикассисем, виççĕмĕшсем – хĕрлĕчутайсем. Штанаш ял тăрăхĕн ĕçченĕсем ĕлĕкхи хресченĕн кил-çурт кĕтесне пĕтĕмпех сăнарлама тăрăшрĕç: кунта сăпки те, çăм арламалли те, уйран уçламалли те... хăйсем те ĕлĕкхи тумпа. Палăртма кăмăллă, вĕсен пултарулăхне Шупашкар çыннисем Республика кунĕнче те курса савăнчĕç.
Киватикассисенчен уйрăмах Яманкассинчи Федор Степанович Алексеевăн ĕçĕ пуян пулнипе палăрчĕ, чутайсем икерчне те кунтах пĕçереççĕ, вĕсем ал ăстисемпе те пуян...