18 июля 2009 г.
Йĕпе-сапара е шуçлакра тарăн çырмана пĕр витре шывшăн анса хăпарма та мĕн тери терт. Çемье йышлă пулсан, картиш тулли выльăх усрасан ăçта кайса кĕрĕн; Кунĕпе темиçе те кайса килетĕн. Ялсене таса шыв кĕртес программăна халăх çавăнпа чунран ырласа йышăнчĕ. Халĕ кашниех шыв пăрăхĕ килне çитессе кĕтет.
Çак кунсенче «Чăваш Республикинчи халăха 2009-2020 çулсенче пахалăхлă таса шывпа тивĕçтересси» тĕллевлĕ программăна пурнăçлас енĕпе ĕçлекен ведомствăсен комиссийĕн ларăвĕ иртнĕ. Унта Канаш хулине, Элĕк, Вăрнар, Канаш, Красноармейски, Хĕрлĕ Чутай районĕсене (çирĕплетнĕ графикпе килĕшÿллĕн) таса шывпа тивĕçтерес программăсене пăхса тухнă.