18 июля 2009 г.
Çĕнĕ вĕренÿ çулĕ пуçланиччен пĕр уйăх ытла çеç юлчĕ. Шкулсенче ачасене йышăнма хатĕрленсе тĕрлĕрен юсав ĕçĕсем пурнăçлаççĕ ĕнтĕ . Сăмахран, Мăн Этмен вăтам шкулĕнче коридорти стенасене сăрланă. Г.Бархоткина, И.Михеева пуçламăш класс учителĕсем ку енĕпе пуçарулăх кăтартаççĕ. Ытти вĕренекенсем те, отпускра пулин те, вĕренÿ çулне хатĕрленессипе тимлеççĕ. Вĕсем августăн 1-мĕшĕ тĕлне кашни хăйĕн кабинетне йĕркене кĕртсе çитересшĕн.
Ача садĕнче те хĕрÿ ĕç пырать. Воспитательсем чечексем ешерсе ларакан урапасене сăрлаççĕ. В.Челейкин (ялти ăста, ăна ятарласа пулăшма чĕннĕ) тата шкул водителĕ Н.Наумов садикре юсав ĕçĕсене пурнăçлаççĕ.
Кăçал районти вĕренÿ учрежденийĕсен августăн 1-мĕшĕ тĕлне ачасене йышăнма хатĕр пулмалла. Çапла пуласса шанатпăр.