22 июля 2009 г.
Çынна улталаса, суйса пурăнсан малаллах каяймастпăр çав...
Çăмăллăн пуяс шутпа-ши районти "Касса взаимопомощи Агрокредит" кооперативра заведующи пулса тăрăшнă Г.Печникова ĕç вырăнĕпе усă курса çынсене улталанă.
Июнĕн 30-мĕшĕнче шалти ĕçсен пайĕн следстви уйрăмĕ ун пирки пуçарнă уголовнăй ĕçе вĕçленĕ: Г.Печникована кооперативăн кассинчен 470 пин тенкĕ ытла укçа вăрланине пула айăплаççĕ.
Тĕрĕслев Г.Печникова 2007 çулхи июль уйăхĕнчен пуçласа 2009 çулччен улталанă 61 тĕслĕхе тупса палăртнă. Г. Печникова хăй айăпне йышăннă тăрăх, çакна калама пулать: ултав çулĕ çине тăрса вăл, кооперативăн ертÿçисем хăйне шаннипе усă курса, заемщиксен тÿлев хучĕсене хăйне кирлĕ пек пĕчĕклетсе тÿрлетнĕ, юлашки укçине кĕсйине чикнĕ.