25 июля 2009 г.
Вĕсем гражданинсен докуменчĕсене тĕрĕслеме тата паха свидетель çуртне ирĕк памасăрах кĕме пултараççĕ. Вĕсене хирĕç тăни вара саккуна пăсни пулать. Кăçалхи июлĕн 22-мĕшĕнчен çакăн пек ирĕксем панă суд приставĕсене "Суд приставĕсем çинчен" саккун. Халĕ суд приставĕ умĕнчех алăк хупни усăсăр. Вăл пур пĕрех кĕрет. Федераллă службăра хăйне майлă вăй-хал (силовой) уйрăм – суд ĕç-хĕлĕн çирĕплетнĕ йĕркисене тивĕçтерекен суд приставĕсем – пур. Ку уйрăмсенче суд приставĕсен спецназĕ пур. Вĕсем судьясене сыхлаççĕ, ахаль приставсене йывăр ĕçсене пурнăçлама пулăшаççĕ. Вăй-хал уйрăмĕсенчи приставсем гражданина вăйпах суда е кирлĕ пулсан суд приставĕсен службине илсе килме тивĕç. Халĕ вĕсем валли хупă алăк пулмĕ, свидетелĕн çурчĕ те крепоç пулма пăрахĕ. Тата тепĕр çĕнĕлĕх – вăй-хал уйрăмĕсенчи приставсен граждансен докуменчĕсене тĕрĕслеме ирĕк пур. Кун пек ирĕк малтан милици ĕçченĕсен çеçчĕ. Халĕ вара пристав суда е суд приставĕсен службин çуртне кĕнĕ чухне гражданран паспорт ыйтма пултарать. Ухтараять, енчен те хĕç-пăшалпа наркотик тупсан тытса чараять.
Теорилле, пристав урамра та документсене тĕрĕслеет – питĕ хăвăрт шыраса тупма тата суда çитерме палăртнă çын пекех пулсан. Çавăнпа та çĕнĕ нормăсем чылай адвокатпа право йĕркине сыхлакансене килĕшмеççĕ.