25 июля 2009 г.
Пирĕн хушăра ют пурлăха хапсăнса çăмăллăн пуяс шутлисем те сахал мар. Районти коммуналлă хуçалăхра бухгалтер-кассир пулса тăрăшнă О.Артемьева ĕç вырăнĕпе усă курса çынсене улталанă.
Июнĕн 30-мĕшĕнче шалти ĕçсен пайĕн следстви уйрăмĕ ун пирки пуçарнă уголовнăй ĕçе суд аллине панă: О.Артемьевана предприяти кассинчен 40 пин тенкĕ ытла укçа вăрланăшăн айăплаççĕ.
Тĕрĕслев О.Артемьева улталанă 15 тĕслĕхе тупса палăртнă. Вăл ĕç вырăнĕнче çынсенчен коммуналлă пулăшăвăн тÿлевне йышăнса ларнă, анчах та укçине предприятин кассине мар, хăйĕн кĕсйине чикнĕ.