01 августа 2009 г.
Октябрĕн пĕрремĕшĕнчен çынсен енчĕкĕсенче çĕнĕ 10 тенкĕлĕх укçа выртĕ.
Çапла майпа, рынокра тÿрех 10 тенкĕлĕх металл укçасен икĕ тĕсĕ тата хутли те пулĕ. Чи малтанах хутлă 10 тенкĕлĕх укçа дистанцинчен тухĕ: вăл хăвăрт кивĕлет, çулталăкран ытла "пурăнмасть". Çав вăхăтрах вара металтан тунипе 10 çула яхăнах усă куратпăр. Анчах та хутлисем çаврăнăшран майĕпен çеç çухалĕç. Çухалсан, çĕнĕ укçа 1995 çул тĕслĕхĕнчи вунă тенкĕлĕххине "хĕстерĕ". Сăмах май, кивĕ укçана хаклă пăхăрпа цинк шăранчăкĕпе тата йĕсрен (латунь) тунă. Çĕннине вара хаклах марринчен, анчах та нумайтарах "пурăнакан" хурçăран (сталь) тăваççĕ. Унсăр пуçне çĕнĕ 10 тенкĕлĕх хурçă укçа киввинчен 3 грамм çăмăлтарах тата диаметрĕпе çур сантиметр пĕчĕкрех пулĕ.