Публикации » П.Гусельщиков Раççей Президенчĕн премине тивĕçнĕ

05 августа 2009 г.

Пĕтĕм Раççей олимпиадин çĕнтерÿçисемпе призерĕсем кăçал Раççей Президенчĕн Д.Медведевăн премине тивĕçеççĕ. Кун çинчен июлĕн 14-мĕшĕнче вĕрентÿ енĕпе ĕçлекен федераллă агентство хушу кăларнă. Чăваш Республикинчен çак премие пурĕ 24 вĕренекен илет. Пĕтĕмпе, олимпиадăн пĕтĕмлетĕвĕпе, 1051 шкул ачи РФ Президенчĕн премийĕн лауреачĕ пулса тăнă. Палăртма кăмăллă, çĕршыв ертÿçин премине Хĕрлĕ Чутай шкулĕнче вĕренекен П.Гусельщиков та тивĕçнĕ. Ку вăл – районшăн пысăк чыс. Сăмах май, П.Гусельщиков Пĕтĕм Раççей олимпиадинче ОБЖ предмечĕпе çĕнтернĕччĕ.