15 августа 2009 г.
Районти комисси кăçалхи августăн 7-мĕшĕнче ирттернĕ ларăвĕнче пĕчĕк тата вăтам предпринимательствăн субъекчĕсем хăйсен бизнесне йĕркелесе грант илме тивĕçнĕ çĕнтерÿçĕсене палăртнă. Конкурс условийĕсемпе килĕшÿллĕн предпринимательсем унта пăхса тухма бизнес-плансем тăратнă. Проектсен тематики тĕрлĕ енлĕ: хурт-хăмăр, лаша, кролик ĕрчетесси, автосервис пулăшăвĕ.
Ăмăртăва районти пĕчĕк тата вăтам предпринимательствăн пилĕк субъекчĕ хутшăннă, тăваттăшĕ грант çĕнсе илнĕ. Уйрăм предпринимательсем – В.Л.Селивестровпа А.В.Хохлов – 5-шер, А.В.Картмасовпа В.А.Молодейкин 4-шар балл пухнине палăртмалла.
Лару вĕçĕнче комисси членĕсем район администрацийĕн экономика, пурлăх тата çĕр хутшăнăвĕсен пайĕпе эксперт ушкăнĕ бизнес-плансем хатĕрлеттерес, конкурссем ирттернĕ чухне йĕркене пăхăнас тĕлĕшпе аван ĕçленине кăтартса хăварнă.