22 августа 2009 г.
Районта автомобиль çулĕсене тăвассипе тата ăна çĕнетессипе ĕç малалла пырать. Ку енĕпе "Резон" ХАО подряд организацийĕн ĕçченĕсем тăрăшаççĕ. Штанаш ялĕнче, акă, çула тĕпрен çĕнетсе юсаççĕ. Кунта вак чул сарса пĕтернĕ те ĕнтĕ. Çитес кунсенчех асфальт сарасшăн. Тинех Штанаш ял çыннисем çĕнĕ автомобиль çулĕллĕ пулĕç. Ăна хута янă хыççăн Урикасси ялĕ тĕлнех шкул автобусĕсем çÿрĕç.
Штанашра çул тунипе пĕрлех Туктамăш ялĕн Тĕп урамĕнче те тротуар сараççĕ. Икĕ ялта пыракан çул-йĕр ĕçĕсене вĕçлесен Хĕрлĕ Чутайри Завод урамĕнчи шоссене юсама тытăнĕç. Кунти çул пăхма хăрушă: шăтăк-путăклă. Çавăн пекех çитес вăхăтрах Мучикасси-Хăмаркка çулĕ çинчи кĕпере йĕркене кĕртĕç.