Публикации » «Светофорик» конкурс иртнĕ

22 августа 2009 г.

Район администрацийĕн тата шалти ĕçсен пайĕн хушăвĕсемпе июлĕн 20-мĕшĕпе августăн 20-мĕшĕччен ача сачĕсем хушшинче "Светофорик" смотр-конкурс иртнĕ. Унта шкул çулне çитмен ачасемпе ĕçлекен пур учреждени те хутшăннă. Конкурс 3 номинаципе пулнă. Унăн пĕтĕмлетĕвĕпе "Ачасене çул-йĕр хăрушсăрлăхĕн правилисене вĕрентессине йĕркелекен чи лайăх ача сачĕ" номинацире "Хĕвел" ача сачĕ пысăк хака тивĕçнĕ. "Çул-йĕр правилисене пепкесене вĕрентекен тата вĕсене ашшĕ-амăшĕ хушшинче пропагандăлакан чи лайăх воспитатель" ята "Пилеш" ача садĕнчи Н.Галичанова çĕнсе илнĕ. "Чи лайăх ача-пăча агитбригади" номинацире "Пилеш" ача сачĕ (воспитателĕ И.Абакумова) палăрнă.

Смотр-конкурсăн республикăри тапхăрĕнче çак çĕнтерÿçĕсем район чысне хÿтĕлĕç.