Публикации » Район пуçлăхĕ çинчен – мăнаçланса

09 сентября 2009 г.

Республикăра кăçалхи январь уйăхĕнче вăя кĕнĕ "Пирĕн пĕрлехи Çуралнă кун" акци малалла пырать. Сентябрь уйăхĕ тĕлне ача çурчĕсенчи тата интернат шкулсенчи 300 ытла ача хăйсен Çуралнă кунĕсенче Чăваш Енре пурăнакансенчен салам йышăннă. Ашшĕ-амăшĕн хÿттисĕр юлнисене организацисемпе предприятисен ертÿçисем, чиновниксем, вĕренекен çамрăксем, ахаль граждансем саламланă. Менелник çыннисем валли аслисем тĕрлĕ илĕртÿллĕ тата пĕлÿ паракан программăсем йĕркеленĕ. Акă, иртнĕ эрнере район пуçлăхĕ А.Криков хăйĕнпе пĕрле пĕр кунта çуралнă В.Яковлевпа (Шупашкарти ача çурчĕ) тĕл пулнă. Александр Иванович Володьăна тата унăн юлташне, Андрея, Шуршăлти Космонавтика музейне тата республикăн тĕп хулинчи "Макдональдс" ресторана илсе кайнă. Çавăн пекех арçын ачасене катаччипе те ярăнтарнă. Халĕ Володя хăйĕн юлташĕсене Хĕрлĕ Чутай районĕнче питĕ лайăх пуçлăх пуррине мăнаçланса каласа парать.