09 сентября 2009 г.
Çĕнĕ çултан яланах ырă улшăнусем пулассине хăнăхнă эпир. 2010 çултан пирĕн çĕршывра чирленишĕн, çавăн пекех çуратас умĕнхи тата çуратнă хыççăн, ачана çулталăк çурă тултариччен пăхнăшăн паракан пособисем те палăрмаллах ÿсеççĕ.
Паян чирленишĕн тÿлесси стажпа ĕç укçинчен тÿрремĕнех килет. Енчен те чирлесе ÿкнĕ ĕçченĕн ĕç укçи пысăках мар-тăк, анчах та стаж 8 çултан ытларах пулсан, ăна ĕç укçине 100 проценчĕпех тÿлеççĕ. Лайăх укçа илекенсен вара чирлени пайталлă мар. 2010 çулта та чикĕ пулать, çапах та чи пысăк тÿлев планки икĕ хут пысăк – уйăхра 34583 тенкĕ. Çитес çултан ачана çулталăк çурă тултариччен пăхнăшăн паракан пособи 85 процент таранах ÿсет. Унăн чи пысăк виçи 13833 тенкĕ пулать. Кăçал вара вăл 7492 тенкĕпе танлашнă. Çуратас умĕн тата çуратнă хыççăн паракан пособин чи пысăк виçи те 34583 тенкĕне çити хăпарать, 2009 çулта 25390 тенкĕ пулнă.