16 сентября 2009 г.
Уйăхсерен республикăра, çавăн пекех районта та Информаци кунне ирттернине хăнăхса çитрĕмĕр ĕнтĕ. Акă, черетлĕ Информаци кунĕ паян иртет. Унăн теми «Ачалăха тата ачасен правине хÿтĕлесси – Чăваш Енре тытса пыракан патшалăх политикин никĕсĕ» тавра пулĕ.
Калас пулать, ку хутĕнче пирĕн района Чăваш Республикин юстици министрĕ Валерий Павлович Петров ертсе пыракан ушкăн килсе çитмелле.
Тĕп хуламăртан килнĕ представительсемпе район администрацийĕнче ĕçлекенсем тата тĕрлĕ предприяти ертÿçисем ушкăнсене пайланса ял тăрăхĕсене çитĕç, вырăнти ĕç коллективĕсемпе тĕл пулĕç, ял çыннисене пăшăрхантаракан ыйтусемпе интересленĕç.