Публикации » Вĕрентÿпе консультаци семинарĕ

23 сентября 2009 г.

Çак кунсенче Хĕрлĕ Чутайри вăтам шкулăн акт залĕнче çамрăксем валли «Чăваш Республикин территорийĕнче предприниматель тата фермер ĕçне йĕркелесе ямалли никĕссем» темăпа вĕрентÿпе консультаци семинарĕ иртнĕ. Ăна район пуçлăхĕн пĕрремĕш çумĕ Александр Самылкин уçнă. Унта "Бизнес тата планласси", "Налук хурасси" тата "Предприниматель ĕçне патшалăх енчен пулăшасси" ыйтусене сÿтсе явнă. Шупашкарти "Проект-Инвест "ТЯО директорĕн çумĕ Елена Харитонова, Чăваш ял хуçалăх академийĕн аслă преподавателĕ Ирина Шувалова темăсене уçса панипе пĕрлех предпринимательсен ыйтăвĕсене туллин хуравланă.

Çакна та палăртса хăвармалла. "Проект-Инвест" ТЯО Шупашкарта районти граждансене харпăр хăй бизнесне йĕркелесе ярас тата патшалăх пулăшăвĕ илес тĕлĕшпе тÿлевсĕр консультацисем парать.