Публикации » Çĕнтерÿçĕсене парнесем кĕтеççĕ

23 сентября 2009 г.

Чăваш Ен Президенчĕн "Çĕр ĕçченĕн çулталăкĕ" Указне пăхăнса районта "Асамлă чаршав" фестиваль ирттерме йышăннă. Вăл Культура çурчĕсенче сентябрь уйăхĕпе октябрь уйăхĕ тăршшĕпех пырĕ. Калас пулать, фестиваль хамăрăн ентешсене – К.Иванов ячĕллĕ драма театрĕн артисчĕсене И.Садовниковапа Н.Булаткина– халалласа иртет. Унта ял тăрăхĕсен тата культура учрежденийĕсен пултарулăх коллективĕсем хутшăнаççĕ. Вĕсем лартса панă спектакльсенче ял çыннин пурнăçĕ сăнарланма кирлĕ. Фестивале хутшăнакан коллективсен ăсталăхне жюри хаклĕ. Çĕнтерÿçĕсене паха парнесемпе тата Дипломсемпе хавхалантарĕç.