23 сентября 2009 г.
Район центрĕнчи тĕп библиотекăн специалисчĕсем ял тăрăхĕсенчи библиотекăсене ĕçлĕ пулăшу параççĕ. Сентябрь уйăхĕнче вĕсем графикпа килĕшÿллĕн Ачкасси вулавăшĕнче пулнă. Кунти Ольга Михатайкина библиотекарь Çĕр ĕçченĕн çулталăкне, Чечексен çулталăкне, А. Николаев космонавт летчик 80 çул тултарнине халалласа куравсем йĕркеленĕ. Кунтах ачасен кĕтесĕ те пур.
Тĕп библиотекăн библиографĕ И.Капитонова ял вулавăшăн базине çĕнĕ библиографи çырăвĕсем кĕртсе çĕнетнĕ. Çавăн пекех кĕнеке фондне, учет документацине, библиографи справкисен учетне тĕрĕсленĕ. А.Михеева библиограф вара О.Михатайкина каталогсемпе тата картотекăсемпе мĕнле ĕçленипе интересленнĕ.
Тĕп библиотека специалисчĕсемпе ял вулавăшĕнче ĕçлекенсем пĕр-пĕринпе туслă çыхăну тытни, пĕр-пĕрне пулăшни вулакансен йышне ÿстерме пулăшĕ.