07 октября 2009 г.
Районта Мендельсон вальсĕн кĕвви çине-çине янăрать. Кашни канмалли кун ЗАГС пайĕнче тăрăшакансем 3-4-шар çамрăк мăшăр çемье çавăрнине савăнăçлă лару-тăрура регистрацилеççĕ. Специалистсем пĕлтернĕ тăрăх, уйрăмах август-сентябрь уйăхĕсенче мăшăрланакансем чылай пулнă. Паянхи куна 78 мăшăр çемье çавăрнă.
Çамрăксем пĕр çемьене чăмăртанаççĕ пулсан, ачасем те çуралаççĕ. Хальлĕхе 145 пепке çут тĕнчене килнĕ.
Çемьери лару-тăрăва пула 38 çемье арканнă.
Çулталăк пуçланнăранпа пурĕ 348 çын вилнĕ. Пĕлтĕр çак тапхăрта «леш тĕнчене» 358 çын ăсатăннă.