17 октября 2009 г.
Ял тăрăхĕсенчи Культура çурчĕсен ĕçченĕсем тата сценăна кăмăллакансем, ЧР Президенчĕн «Çĕр ĕçченĕн çулталăкĕ» Указне пурнăçласа, хамăр ентешсене, Чăваш драма артисчĕсене – И.Садовниковапа Н.Булаткина халалланă «Асамлă чаршав» фестивале активлă хутшăнаççĕ. Октябрĕн 13-мĕшĕнче тралькассисем Культура çурчĕн заведующийĕ Т.Офишкина йĕркеленипе Степан Апаш çырнă «Хамах» камитпе халăх умне тухнă. Вырăнти артистсем – Лидăпа Венера Романовсем (Хăмаркка) А.Аликов (Культура çурчĕн ĕçченĕ), О.Воронова (Турхан) пĕр предприяти пуçлăхĕн, Подшляпинăн, килти пĕр кунри пурнăçне çутатса панă. «Хамах тем те тума пултаратăп», – тесе мухтанаканскер ĕç тĕлне пĕлменнине кăтартнă. Тĕпелте пиçсе кайсан, пульницăна лексен çеç пуçтах пуçлăх арăмĕн ĕçне хисеплемеллине, кил-çурта тытса тăма çăмăл маррине ăнланса илет.
Камит çынсене пĕр-пĕринпе килĕштерсе, ăнланса, пулăшса пурăнмаллине вĕрентнĕ.