17 февраля 2014 г.
Юн кун районта "Чăваш Ен" патшалăх телерадиокомпани ĕçченĕсем пулнă. Вĕсем район администрацийĕн пуçлăхĕ Александр Башкиров ертсе пынипе Хĕрлĕ Чутай салинчи Ленин урамĕнче 3 хутлă, 27 хваттерлĕ çуртăн строительствипе паллашнă. Ку çурта "Патăрьелти МТС" ТЯО ĕçченĕсем кирпĕчрен хăпартаççĕ, строительство ĕçĕсем граждансене авариллĕ çуртсенчен куçарас программăпа килĕшÿллĕн пурнăçланаççĕ. Çĕнĕ хваттерсене районти авариллĕ çуртри 10 çемье куçма хатĕрленет. Çак çуртри 9 хваттере тăлăх ачасене уйăрса пама палăртнă.
Александр Викторович журналистсене интервью панă, строительство ĕçĕсем епле пыни çинчен каланă, асăннă урамра каярахпа нумай хваттерлĕ тепĕр виçĕ çурт тума йышăнни пирки пĕлтернĕ.
А.ЗАМУТКИНА.