17 февраля 2014 г.
Февралĕн 13-мĕшĕнче районта савăнăçлă лару-тăрура Культура çулталăкне уçрĕç. Пĕлтерĕшлĕ уява пухăннисене Чăваш Республикин культура министрĕн çумĕ Татьяна Казакова, район пуçлăхĕ Александр Степанов, райадминистраци пуçлăхĕ Александр Башкиров саламларĕç.
Культура отраслĕнчи пултаруллă ĕçченсене район пуçлăхĕн, райадминистраци пуçлăхĕн, "Единая Россия" партин вырăнти уйрăмĕн хисеп хучĕсене парса чысларĕç. ЧР Культура министерствин Хисеп грамотине Кив Атикассинчи ял библиотекин заведующийĕ Ираида Аксакова тата район администрацийĕн пуçлăхĕ Александр Башкиров тивĕçрĕç.
Мероприятие йĕркелекенсем уява тĕплĕн хатĕрленнĕ, культурăпа кану центрĕнчи фойере тĕрлĕ курав ĕçлерĕ. Концерт программи те пуян пулчĕ, уйрăм юрăçсемпе ташă ăстисем, фольклор коллективĕсем хăйсен пултарулăхĕпе савăнтарчĕç.
А.КАРПОВА.