19 февраля 2014 г.
Республикăри пекех февралĕн 19-мĕшĕнче районта та Пĕрлехи информаци кунĕ иртет. Унăн темисем:
– РФ Президенчĕн "Раççей Федерацийĕнче Культура çулталăкне ирттересси" Указне пурнăçласси çинчен;
– Чăваш Енĕн социаллă пурнăçĕпе экономика аталанăвĕн малтанхи пĕтĕмлетĕвĕсем тата республикăн 2013 çулхи бюджет пурнăçланăвĕ;
– Республика Пуçлăхĕ М.В.Игнатьев Чăваш Патшалăх Канашне янă Çырăвне пурнăçлас енĕпе влаçăн ĕç тăвакан органĕсен 2014 çул валли комплекслă планĕ пирки;
– пушар хăрушсăрлăхĕ, шыв объекчĕсенче хăрушсăрлăхпа тивĕçтересси тата чрезвычайлă лару-тăрăва сиресси, асăрхаттарасси çинчен;
– РФ пенси тытăмĕн улшăнăвĕсем пирки.
Çак палăртнă темăсене сÿтсе явма района информаци ушкăнĕсем килсе çитеççĕ, вĕсем ял тăрăхĕсенче пулса ĕç коллективĕсемпе тĕл пулаççĕ. Çавăн пекех граждансене уйрăм ыйтусемпе йышăнаççĕ.