Публикации » Ăшăпа тивĕçтерекен çĕнĕ хуран хута кайнă

16 апреля 2014 г.

Кил-çуртра, ĕç вырăнĕнче ăшă та хăтлă пулни пурне те кирлĕ. Уйрăмах хĕллехи вăхăтра ăшăпа пĕр чарăнми тивĕçтерни пурăнма та, ĕçлеме те хăват парать. Çуртсене ăшăпа вăхăтра тивĕçтересси - котельнăйсенче вăй хуракансен тивĕçĕ. Анчах та ăшă паракан хурансем кивелсе кайни чылай чухне ура хурать. Çакна район центрĕнче пурăнакансем 18 çул кĕтнĕ - кăçалхи апрелĕн 1-мĕшĕнче Хĕрлĕ Чутай салинчи 1№ котельнăйра çĕнĕ хуран ĕçлеме пуçланă. 996 пин тенкĕ тăраканскерĕн хальхи вăхăт ыйтнипе килĕшсе тăракан уйрăмлăхсем нумай. Унăн ăшă улшăнăвĕ тухăçлăрах, хăрушсăрлăхĕ пысăкрах. Палăртмалла, асăннă хуран хута кайнинче район администрацийĕпе "Жилсервис" ТЯО тỹпи пысăк. Малашне район центрĕнчи нумай хваттерлĕ çуртсенче пурăнакансем тата "Хĕвел" ача садне çỹрекенсем патне ăшă тикĕссĕн пырса тăрĕ. 

А.КАРПОВА.