Публикации » Виççĕмĕш вырăн йышăннă

30 апреля 2014 г.

Районти "Хастар" физкультурăпа спорт комплексĕнче спорт аэробикин уйрăмĕ ĕçлет, ăна Татьяна Сергеева тренер-преподаватель ертсе пырать. Асăннă уйрăма çỹрекен Ольга Капралова, Венера Андреева, Екатерина Чеблукова, Анастасия Медведева, Вероника Тимофеева апрелĕн 27-мĕшĕнче Куславккара иртнĕ "Туслăх карти _ 2014" фестиваль-конкурса хутшăннă. Асăннă фестивале республикăри ташă коллективĕсем хушшинче тăваттăмĕш хут ирттереççĕ. Кăçалхи конкурс пĕтĕмлетĕвĕсемпе районти спорт аэробикин уйрăмне çỹрекенсем виççĕмĕш вырăн йышăнма пултарнă. Вĕсем 14-17 çулхи ташăçăсем хушшинче "Эстрада ташши" номинацире "Русский драйв" тата "Катюша" ташăсемпе палăрнă. Коллектив Куславккаран савăк кăмăлпа таврăннă. Вĕсем малашне те тĕрлĕ конкурссене хутшăнас тĕллевлĕ.

А.ТИМОФЕЕВА.