Публикации » Сывлăх кунĕ зарядкăран пуçланнă

30 апреля 2014 г.

Шăмат кун, апрелĕн 26-мĕшĕнче, Чăваш Енре Сывлăхпа спорт кунĕ пулнă. Мероприяти республика Пуçлăхĕ Михаил Игнатьев уйăх каялла алă пуснă указпа килĕшỹллĕн иртнĕ. Палăртнă кун çынсен кашни уйăхра спорт керменĕсене тỹлевсĕр çỹреме ирĕк пур. Пирĕн районта Сывлăхпа спорт кунĕ "Хастар" спорткомплексра иртнĕ, вăл массăллă зарядкăран пуçланнă. Сывă пурнăç йĕркине тытса пыракансене район администрацийĕн пуçлăхĕ Александр Башкиров саламланă. Унтан пухăннисем бассейнра шыва кĕнĕ, тренажер залĕнче вăй-халне çирĕплетнĕ. Хăшĕсем тăрăшсах шашка-шахмăтла вылянă. Сывлăхпа спорт кунĕсене çынсене спортпа туслаштарас тата сывă пурнăç йĕркине хăнăхтарас тесе йĕркелеççĕ. Уйăхсерен иртекен мероприятие районта пурăнакансем йышлăн хутшăнасса шанас килет.

А.ТИМОФЕЕВА.